المساعد الشخصي الرقمي

مشاهدة النسخة كاملة : الموجهيــن للشرقيــة . الله يحييكم .. وانا بالخدمة


أسامة
06-24-2010, 12:48 AM
الف مبروك لجميع المعينين بالشرقية ..

ابشركم تم تعييني بالرياض .. وانا من اهل الشرقية . واللي يبي اي خدمة من الشرقية يكلمني ..

الله يحييكم .. اخوكم اسامة

0592866945

سهم مكة
06-24-2010, 01:07 AM
الف مبروك التعيين
انا من مكه وجا تعيني انا واثنين من زملائي في المنطقه الشرقية ممكن تقولي وين مكانها في الدمام ولا في الخبر وأيش المدن التابعه لها

كلي جروووح
06-24-2010, 01:13 AM
من مكة وثلاث معي اقرب الزملاء الشرقية

أسامة
06-24-2010, 01:25 AM
محافظة الدمام
محافظة حفر الباطن
محافظة الخفجي
محافظة الجبيل
محافظة القطيف
محافظة النعيرية
محافظة الخبر
محافظة بقيق
محافظة قرية العليا
محافظة رأس تنورة

وما جاورها ..

كلي جروووح
06-24-2010, 01:30 AM
أستاذي أسامه على ماسمعت أنه ماشاء الله كل الخدمات متوفرة بكامل الشرقيه و(طرق وعرة مافي)<أهم شي
وإدارة الشرقيه سمعنا عنهم التقدير والإحترام ويتمتعون بقدر كبير من المرونة
على كلام خالي وله يمكن 6 سنين خرج عن الشرقية
ياليت تأكد هالكلام او تنفيه
وشاكر لك مقدما

واخرتها مع الوزارة
06-24-2010, 02:13 AM
انا من جدة وتعينت بالشرقية وماتقصر يالذيب كفؤ

الله لايقصر بعمرك بس ياذيبان لوبغيت اسكن كيف الايجارات عندكم يقولون غالية شوي

اسد
06-24-2010, 03:17 AM
بغيت اسال عن أكثر مكان فيه احتياج لغة عربية ابتدائي......لو عندك خبر

أسامة
06-24-2010, 04:27 PM
أستاذي أسامه على ماسمعت أنه ماشاء الله كل الخدمات متوفرة بكامل الشرقيه و(طرق وعرة مافي)<أهم شي
وإدارة الشرقيه سمعنا عنهم التقدير والإحترام ويتمتعون بقدر كبير من المرونة
على كلام خالي وله يمكن 6 سنين خرج عن الشرقية
ياليت تأكد هالكلام او تنفيه
وشاكر لك مقدما


الله يحييك اخوي كلي جروح .. وابشر بمنطقة كثير من المعلمين وغيرهم ممن ترسمو في بادئ الامر بالشرقية وكانت ضايقة صدروهم ويبون النقل .. ومنهم الوالد .. او ما تعين بالشرقية وجلس فيها كم سنه وحبها وشفنا الحين فاتحين فرع للعائلة بالشرقية :)

منطقة جميلة واهلها اروع ما يكون .. ناهيك عن ثقافة المجتمع هناك .. مرنين وسمحين :)

طرقها اروع ما يكون .. عاد توهم خالصين من طريق الجبيل .. جديد ومنور .. وطريق الاحساء ايضا .. جديد واربع مسارات .. صراحه قمة الروعه ،

هنيئا لك هذه المنطقة .. والبحر قريــب ين :)

أسامة
06-24-2010, 04:31 PM
انا من جدة وتعينت بالشرقية وماتقصر يالذيب كفؤ

الله لايقصر بعمرك بس ياذيبان لوبغيت اسكن كيف الايجارات عندكم يقولون غالية شوي

الله يحييك اخوي وآخرتها مع الوزارة < الدويمن معبر جدا هههه

والله يالغالي بالنسبة للايجارات .. العوائل غالية شوي .. تبدأ من 20 وفوق ( للعوائل السعودية )

اما كانك تبي شقه اجانب غرفتين ودوره مياه بتحصل ارخص :)

اما العزاب والله ما ادري .. بس على حسب نظافة الشقه او العمارة يكون السعر .. واتوقع تبدى من 14 للعزاب السعوديين الاتكيت :)

أسامة
06-24-2010, 04:34 PM
بغيت اسال عن أكثر مكان فيه احتياج لغة عربية ابتدائي......لو عندك خبر


والله ما ادري يالذيب .. لكن ان شاء الله قريب .. وعموما الشرقية ترا صغيره موب كبيره .. يعني لو بتطلع من الدمام للخبر كنك طالع من السويدي للصحافة .. قريبة مره :)

يعني من جنوب الرياض لشمالها .. ما تاخذ ساعه الا ربع وانت واصل عملك :) << ابعد مشوـآر ممكن

وقرى الاحساء قريبة من الاحساء وكل مكان مخدوم .. والامور طيبـة .. الله يحييكم .. وان شاء الله تحبون المنطقـة .. والله يحييكم

المالكي
06-24-2010, 04:42 PM
الله يعطيك العافية أخوي على طيبة قلبك وكرم أخلاقك
وأهل الشرقية معروفين باالطيبة والأخلاق الحسنة والكرم
والشرقية مدينة رائعة بحدائقها وبمتنزهانها وبشواطئها
بس اللي حبيت أسأل عنه
هذه المحافضات كم كيلو تبعد عن بعضها وبالذات كم تبعد عن البحر
وألف مبروك لك التعيين والله يسعدك ويوفقك في حياتك العلمية والعملية

أسامة
06-24-2010, 04:45 PM
اي محافظة تبيها بس وابشر بالبعد ..

يا شباب نسيت كم منطقة .. ( القطيف - سيهات - عنك ) ديار الـ ****

كلي جروووح
06-24-2010, 04:59 PM
اي محافظة تبيها بس وابشر بالبعد ..

يا شباب نسيت كم منطقة .. ( القطيف - سيهات - عنك ) ديار الـ ****

الله يعطيك العافية أخوي ويجزاك بالخير
هاذي النقطه بالأساس موترتني ومدري شلون ابتعد عنها.
سؤال أخير أبي أعرف ابعد مسافة بين مدن الشرقية ؟سواء كانت مدن أو محافظات أو قرى لأننا أربعة زملاء ومتفاهمين الى حد كبير بحكم سنين الدراسة وتواصلنا بعد الدراسة ونبي سوا نعزب
وسمعت من شخص ابعد مسافة 160 ك اعتقد اللي هيا الحسا
وسامحنا طولنا عليك بس تعرف هالديار ماقد جيتها.
وشاكر لك مقدما

أسامة
06-24-2010, 05:22 PM
شف يالغالي ما ابي احطمك ..

لكن الشرقية تعتبر اكبر منطقة ادارية بالمملكة وتمتد من الخرخير جنوبا الى حفر الباطن شمالا >> اداريا

لكن حسب ما رأيت من تعيينات الشباب ..

ان حفر الباطن ( مسماهـ تسميه ) كيف .. ؟

انا اقول لك .. واحد من الشباب مكوتب انه متعين في حفر الباطن .. بمعنى ان حفر الباطن ترجع الى ادارة تعليم مختلفه عن الدمام وضواحيها ،

وكذلك .. الاحساء يوجد بها ادارة تعليم مستقلة ..

اذاً .. الشرقية يوجد بها اكثر من ادارة تعليم .. وباستفسر عن هذه النقطة .. وبارد لك خبر ،

دقايق وارد لك خبر لبى قلبك .. وبالعكس ما طولت ولا شي .. انا لكم بكل الاسئلة لبى قلبك انت واخواني المعينين ،

أسامة
06-24-2010, 06:18 PM
طيب

.. بعد ما سويت اتصالاتي ،

تبيـّــن الآتي ،

ان المنطقة الشرقية يوجد بها 3 ادارات تعليم ،

وهي : -

1- الدمام .. وتعتبر اكبر ادارة تعليم بالمنطقة الشرقية .. واعتقـد ان من كتب لهم ( الشرقية يتبعون لها )

2 - الاحساء ..

3 - حفر الباطن ..

وعلى ذلك نستنتج ان من كتب له الشرقية .. فهو يتبع لادارة تعليم الدمام .. وما جاورها ،

وانا اعتقد انها افضل ادارة تعليم بالشرقية .. وذلك للآتي ،

كبرها .. وتوفر الخدمات بها
قرب المدن من بعضها .. يعني ابعد مكان ما يتجاوز ساعه الا ربع < مشبر الشرقية شبر شبر ،

توسطها في المنطقة الشرقية .. يعني ما هي في شمال ولا في جنوب المنطقة حيث وعورة بع الطرق مثل طريق سلوى جنوب الاحساء على طريق الامارات ..

طبيعـة اهلها .. حيث يتسمون بالثقافة .. بعكس بعض المناطق التي يغلب عليها طابع البدوية < ولا فيهم شي ونعم بهم

يكفي ان بيتنا فيها وهو مفتوح للجميع والله يحييكم ،

عين السيح
06-24-2010, 07:13 PM
شبااااااااااب اخذوني معكم

مسار لغة عربية

من الزلفي

وشااااااااتوني بالشرقية

اكتب بمنتدي الوزارة باسم كاكا القصيم

المالكي لبي قلبك شكلي عرفت انت مسااااااار صح من مكة

اسامه تكفى ضبطنا قلبي

أسامة
06-24-2010, 07:27 PM
ابشر بعزك .. اول ما تآخذون التوجيه دقو علي وابشرو بعزكم ،

عشان نشوف وين المكان الانسب للسكن .. والامور طيبة ,,


من ميزات المنطقة الشرقية .. انها منظمة من ناحية الشوارع .. فهي سهلة الحفظ .. واهم شي ( ما فيها زحمة )

الله يحييكم .. :)

الشرقية تنور بكم ،

عين السيح
06-24-2010, 07:29 PM
تسلم اساااااااااااامه قسم بالله طمنت قلبي مشكوور ياغاااالي

أسامة
06-24-2010, 07:34 PM
الله يطمن قلبك بالذكر والجنة ،

ابد استانس وعيش الفرحة .. الله يتمم بخير ،

ابو مهند
06-24-2010, 08:19 PM
اخوي اسامه الله يعطيك العافيه ,, واعجبني فيك طيبة قلبك ,,

ما اقول الا الله يحفظك وويوفقك ,,

بس ابي اسالك عن المحافظات الخفجي كم تبعد عن الدمام ,,

وباقي المحافظات كم تبعد عن الدمام ,, وابي اسالك << طولها ,,

ويمكن ما يكون عندك خبر بس ياليت تسال لنا المعلم الجديد فيه احتمال يكون بمدينه ,,

والله يوفقك

أسامة
06-24-2010, 09:05 PM
اخوي اسامه الله يعطيك العافيه ,, واعجبني فيك طيبة قلبك ,,

ما اقول الا الله يحفظك وويوفقك ,,

بس ابي اسالك عن المحافظات الخفجي كم تبعد عن الدمام ,,

وباقي المحافظات كم تبعد عن الدمام ,, وابي اسالك << طولها ,,

ويمكن ما يكون عندك خبر بس ياليت تسال لنا المعلم الجديد فيه احتمال يكون بمدينه ,,

والله يوفقك

الله يحييك ابو مهند .. عزيز وغالي ،

بالنسبة للخفجي طبعا معروف انها في الشمال الشرقي .. واعتقد انها تتبع لادارة تعليم حفر الباطن بحكم الموقع الجغرافي ،

وتبعد عن الدمام تقريبا .. 300 كيلو .. طبعا الخفجي .. مدينة كبيرة .. وتعتبر ساحلية ( على البحر ) وذات كورنيش رائع على البحر .. وايضا تعتبر مدينة بترولية .. وحدودية .. يعني بينها وبين الكويت اقل من 100 كيلو وانت في نص الكويت .. :)

مدينة بقيق الصناعية .. تبعد عن الخبر حول 80 كيلو .. وهي اقرب للدمام منها الى الاحساء ،

مدينة الجبيل .. تبعد عن الدمام تقريبا .. من 90 الى 100 كيلو .. وطريق مزلفت ورائع طبعا مدينة الجبيل صناعية .. وذات ساحل رائع .. ( الفناتير ) .. وسبق ان احتلت المركز الاول على مستوى الشرق الاوسط في التشجير .. فيها منتزهات قمة الروعــة .. وتعتبر من اكثر المناطق بالمملكة ذات تنسيق رائع وتخطيط منسق .. غالب سكانها من ارامكو < مثقفين جدا ، ،

وش بعد ..

القطيف وسيهات وعنك كلها جنب بعض .. تبعد عن الدمام حول 50 كيلو بالكثير .. عنك لازقه في الدمام .. وغالب اهلها من الخوالد .. سنـّـه .. اما القطيف والسيهات .. ما رحت لها الا كم مرة .. والقطيف معروفة بقدمها .. وفيها سوق الخميس معروف :)


راس تنورة .. وتعتبر شمال الدمام .. على طريق الجبيل .. وتبعد عن الدمام مسيرة نص ساعة بالكثير .. ومع الزحمة ساعه الا ربع ، وايضا مطله على البحر ويوجد بها شاطئ جميييل .. يتعنون له بع الناس من الخبر والدمام يروحون له من زينه :)

طبعا منطقة صناعية وغالب سكانها من ارامكو،

وش بعد .. ضيعت المناطق اللي عنده منطقه يبي يستفسر عنها يعلمني ويبشر بعزه .. لو يبي اصورها له واجيبها من عيوني :)

لا احد يتردد << يسوي دعاية للشرقية هههههه

لبى قلوبكم ،

---------------------------

* مشكلة الشرقية شي واحد فقط .. شهر اغسطس .. ( رطوبة ) فقط :)

كـ ح ـيلان
06-24-2010, 09:32 PM
أخوي اسامة
أنا جاء توجيهي للشرقية
حبيت استفسر
ادارة تعليم الشرقية
وش المدن والمراكز اللي تتبعها؟؟
أنا اللي اعرفه
الدمام
الخبر
الجبيل

لكن أحب استفسر عن القطيف وسيهات وصفوى والنعيرية ؟؟؟هي تتبع للإدارة الشرقية صح؟؟؟

أسامة
06-24-2010, 09:39 PM
أخوي اسامة
أنا جاء توجيهي للشرقية
حبيت استفسر
ادارة تعليم الشرقية
وش المدن والمراكز اللي تتبعها؟؟
أنا اللي اعرفه
الدمام
الخبر
الجبيل

لكن أحب استفسر عن القطيف وسيهات وصفوى والنعيرية ؟؟؟هي تتبع للإدارة الشرقية صح؟؟؟

سم هذا تقسيم بيفيدك ان شاء الله ويفيد غيرك لبى قلبك ،

الادارة العامة للتربية والتعليم بالمنطقة الشرقية

مقرها بالدمام وقريبة من الخبر

الشرقية هي اكبر منطقة تعليمية

اما مناطق ( قطاعات ) الشرقية ثمانية هي

من الشمال وانت نازل الى الجنوب

1. ابعد نقطة لك من الدمام هي الرفيعة ( وهو تابع مركز اشراف النعيرية حالياً )وتبعد حوالي 380 كم تقريباً

ولها مناطق عدة مثل القرية العليا - الرفيعة - الشيحية - الهابة .

2. وثم الخفجي تبعد 300 كم تقريباً وهي منطقة بحرية وقريبة جداً من دولة الكويت وفيها منطقين تقريباً بعيدة شوية عن المدينة

3. وثم النعيرية تبعد حوالي 200 كم وبها مناطق عدة ( النعيرية - الكهفة - مليجة - نطاع - مليحة - الحسي - العتيق - الصرار - الونان - الزغين - غنوة - الحناة - ثاج- حنيذ ) ومرتبة بالبعد وابعدها حنيذ بالنسبة لمدينة النعيرية وتبعد حوالي 90 كم .

4. ثم الجبيل تبعد حوالي 90 كم عن الدمام وهناك مدينة الجبيل المسمى بالبلد ومدينة الجبيل الصناعية وتبعدان عن بعضهما 15 كم تقريباً او اكثر ، طبعا مدينة الجبيل الصناعية تابعة للهيئة الملكية للجبيل وينبع وليست تابعة للوزارة .

5. ثم صفوى وبها ( راس تنورة " رحيمة " - صفوى - ام الساهك - العوامية - القديح ) وتبعد عن الدمام 25 كم

6. ثم القطيف وبها عدة مناطق ( سيهات- الجش - الاوجام - القطيف - تاروت - ام الحمام - الملاحة - الخويلية - عنك ) وبعدها عن ادارة التعليم تقريباً لاقرب منطقة سيهات 5 كم

7. ثم الدمام مركز المنطقة الشرقية وبها الادارة وتقسم الى قسمين ( شرق - وغرب )

ثم الخبر وتبعد عن الدمام قرابة 15 كم وبها مركزي اشراف واحد بالخبر والاخر بالظهران وهي منطقة بجانب الخبر

( الخبر - الظهران - الثقبة - حي الجسر - العزيزية )

طبعا الدمام والخبر والظهران قطاع واحد لأنها متصلة ببعضها

8. ثم اخيرا ًبقيق وهي بالاتجاه الجنوبي للدمام وتبعد تقريباً 60 كم عن الدمام .

ميزة الشرقية من الجبيل حتى بيقيق قريبين جداً من بعد لان المناطق متجاورة

=====================================
* اعتذر لابو مهند عن الخطأ .. الخفجي .. تتبع لادارة تعليم الشرقية ،

وموفق خير ،

كـ ح ـيلان
06-24-2010, 10:00 PM
كفوووووووو يا أسامة
يارب أوجه للخبر أو الدمام أو الجبيل

أسامة
06-24-2010, 10:06 PM
كفوك الطيب .. وفالك الترسيم لبى قلبك ،

الحصاه
06-25-2010, 01:20 AM
الله يجزاك خير اخوي اسامه وهذا ان دل يدل على التربيه الصالحة وطيب الاصل

اتمنى الموضوع يكون ايضا مرجع للاخوان عن اعلان التوجيه لان اغلبنا ما يدري متى يروح لاداره التعليم في الشرقيه

كلي جروووح
06-25-2010, 04:34 AM
ماشاء الله ماشاء الله
تصدق أخوي أسامة حفظت الشرقيه شارع شارع ^_^
الله يعطيك العافيه ويخليك لعين ترجيك
ويوفقك دنيا وآخرة

عين السيح
06-25-2010, 10:16 AM
رووح ياشيخ الله يووووووووفقك دنيا واخره

ويريحك وان شاء الله تجي بجنب بيتكم

واخرتها مع الوزارة
06-25-2010, 11:01 AM
والله يا اسامة لك من اسمك نصيب

فعلا اسد

اذا ما عليك كلفة حاول تسأل عن احتياج علوم ابتدائي

لاني مستغرب ولا واحد تم توجيهه للشرقية وهذا شي مخوفني جدا

شكلهم بيرموني لابعد نقطة الا وهي الرفيعة

واذا تقدر ابغى معلومات عن الرفيعة ماادري عندي احساس اني فيها الله يستر

تعبناك يا اسامة

وان شاء الله نتقابل قريب

عين السيح
06-25-2010, 11:05 AM
اخوي واخرتها مع الوزارة انا عربي وانت علوووم يمكن نكون بمدرسة وحده ماتدري

واخرتها مع الوزارة
06-25-2010, 11:09 AM
ان شاء الله وليش لا

واتشرف ياسيدي

أسامة
06-25-2010, 05:31 PM
الله يجزاك خير اخوي اسامه وهذا ان دل يدل على التربيه الصالحة وطيب الاصل

اتمنى الموضوع يكون ايضا مرجع للاخوان عن اعلان التوجيه لان اغلبنا ما يدري متى يروح لاداره التعليم في الشرقيه
وياك يا بعدي ،

ولا عليك زود لبى قلبك .. يقول المثل يا خبر اليوم بفلوس بكره ببلاش .. الامور بتتضح ان شاء الله الايام الجاية ،

فالك التوفيق ،

أسامة
06-25-2010, 05:35 PM
ماشاء الله ماشاء الله
تصدق أخوي أسامة حفظت الشرقيه شارع شارع ^_^
الله يعطيك العافيه ويخليك لعين ترجيك
ويوفقك دنيا وآخرة

الله يحييك .. واذا باشرت بالشرقية .. صدقني شهر واحد وبتحبها لبى قلبك ،

وان شاء الله تنبسط فيها .. والله يحييك بين اهلك اخوي كلي جروح :)

أسامة
06-25-2010, 05:39 PM
رووح ياشيخ الله يووووووووفقك دنيا واخره

ويريحك وان شاء الله تجي بجنب بيتكم


لبى قلبك يا بعدي .. < يرفع يدهـ ويقول من بـؤك لبــآآآآب السمــآآآآ ،،

ومن يقول يا بعدي ،

أسامة
06-25-2010, 05:49 PM
والله يا اسامة لك من اسمك نصيب

فعلا اسد

اذا ما عليك كلفة حاول تسأل عن احتياج علوم ابتدائي

لاني مستغرب ولا واحد تم توجيهه للشرقية وهذا شي مخوفني جدا

شكلهم بيرموني لابعد نقطة الا وهي الرفيعة

واذا تقدر ابغى معلومات عن الرفيعة ماادري عندي احساس اني فيها الله يستر

تعبناك يا اسامة

وان شاء الله نتقابل قريب

ياك الله اخوي وآخرتها مع الوزارة ،

بالنسبة للاحتياج والله ما ادري عنه .. يبيلها وـآحد وـآصل >> :)

وآخرتها مع الوزارة .. بالعكس لبى قلبك .. ليه الخوف .. يمكن انك متميز وحطوك بالشرقية .. وغيرك شايتينهم لاماكن ابعد من كيذا .. والشرقية عموما مثل ما قلت لك قريبه من بعض .. ما هنا بعد ان شاء الله ،

بالنسبــة للرفيعــة .. تعتبر شمال الدمام .. على طريق الكويت تقريبا .. من جهة النعيرية .. وتعتبر ايضاً .. في منطقــة ( الصمـآن ) .. كانك من اهل القنـص عز الله بتنبسط ،

الرفيـعــة .. تعتبر مركز .. وليست محافظة .. وهاديـة نسيبـاً .. واهلها قلوبهم شمالية .. وان شاء الله تنبسط فيها لبى قلبك ،

ما عندي زود معلومات .. واذا كنت تبي زود .. بسأل لك وـآد من الربع تعين فيها اول سنـة،

لكن الامور طيبـة ان شاء الله .. ( مخدومـة .. دي اس ال ) << تسلي عمرك :)

ما يبيلها .. اول ما تـآصل بس دق علي وابشر بسعدك انت والشباب جميــع .. عيـن فرـآش وعيـن غطا لبى قلبك ،

وسام الحب
06-25-2010, 08:00 PM
الله يعطيك العافية يا أسامة بصراحة اخللاقك عالية والله يوفقك ويزيدك من فضله . هذا اقرب مثل على ان اهل الشرقية مجتمع محترم ومثقف والله يوفقنا واياكم .

اخوي أسامة اجمل احترام وتقدير .

حاكم
06-25-2010, 08:05 PM
أخوي أ سامة حفظك الله متى نتوجه لإدارة التعليم في الشرقية في الحقيقة محتار بكرة أخذ قشي وأروح ولا كيف

أسامة
06-25-2010, 08:30 PM
الله يعطيك العافية يا أسامة بصراحة اخللاقك عالية والله يوفقك ويزيدك من فضله . هذا اقرب مثل على ان اهل الشرقية مجتمع محترم ومثقف والله يوفقنا واياكم .

اخوي أسامة اجمل احترام وتقدير .

ما عليك زود يا بعدي ،

وكلامك وسام .. افتخر بـه لبى قلبك ،

أسامة
06-25-2010, 08:32 PM
أخوي أ سامة حفظك الله متى نتوجه لإدارة التعليم في الشرقية في الحقيقة محتار بكرة أخذ قشي وأروح ولا كيف


الله يحفظنا وياك .. انا اقول لا تستعجل .. بكرة السبت ان شاء الله بيصير فيه علم .. وان شاء الله نعرف متى نراجعهم لبى قلبك ،

وبحاول اسأل لك عن هالنقطــة من ربعنـا بإدارة تعليم المنطقة الشرقية .. ابشر بحاول واللي اقدر عليه باسويه،

الله يكتب اللي فيه الخير لنا ولكم ،

كـ ح ـيلان
06-25-2010, 08:58 PM
الحقيقة أخوي أسامة بتفاعلك ذا
أعطيتني انطباع أولي عن طيب
ووفاء أهل الشرقية وأن أحدهم
فالك التوفيق يالغالي

أسامة
06-25-2010, 11:54 PM
الحقيقة أخوي أسامة بتفاعلك ذا
أعطيتني انطباع أولي عن طيب
ووفاء أهل الشرقية وأن أحدهم
فالك التوفيق يالغالي

ان شاء نكون عند حسن الظن لبى قلبك ،

ولا عليك زود يا بعدي ،

الو ح يد
06-26-2010, 12:18 PM
مشكور اخوي اسامه على هالمعلومات
انا جاء توجهي عالشرقيه
وفعلا منطقه رائعه بروعة اهلها
لانك انت منهم...
اتمنى ان يكون تعييني بنفس الدمام اوالخبر
لغة عربية ابتدائي...

في سبيل التاج
06-27-2010, 02:53 AM
بيض الله وجهك أخوي أسامة ........ ولا فيه أحد بيشك بأهل الشرقية
حنا مشكلتنا متى نروح نوقع العقد ,,, و المكان اللي راح نباشر فيه ,, والسكن

وجبت لكم رابط خريطة للمنطقة الشرقية
http://www.athagafy.com/maps/Fig-06.jpg

halaf
06-28-2010, 04:02 PM
هل احد زارهم و متى توقيع القعد ؟؟؟

bo3zoz
06-28-2010, 05:43 PM
مشكور اخوي أسامه

وماازيد على اخوي اسامه انا من الدمام وبالخدمة

بالخاص اي خدمة

سلطان المانع
06-28-2010, 07:43 PM
حبايبي تم الاتفاق على هذا الموضوع ويتم التجمع عليه فقط لعدم تكرار المواضيع ولعدم التشتت ارجوا التفاعل
لقيت رد لبعض الزملاء وقلت اجيبه للفائدة منقول من الجحدلي بعد اتصاله على تعليم الشرقية اليو م الصباح


... السلام عليكم ورحمة الله وبركاته ...

رد عليه اخيراً .. قسم شوون المعليمن ::

السلام عليكم :: عرف السالفه

المهم

قالى تابع الموقع بعد العيد ..قلت له ما في شي جاكم بخوصنا ..تحديد رغبات وكذا .. قالى تابع الموقع بعد العيد

يعني كبر الوسسسسسساده

تحياتي واحترامي


ابو حزام
قلت منقول

عين السيح
06-28-2010, 07:51 PM
اخوي سلطان الله يعطيك العافية

بالنسبة لبعد العيد اظن انوه المقصود المباشر

لكن الرغبات قريبا ان شاء الله راح نعبيها

اليوم مثلا تعليم القصيم ارسل رسائل وفتح الرغبات اكيد جاينا الدور

عين السيح
06-28-2010, 07:53 PM
شباب بالنسبة لارقاااااام المفاضلة والتخصص هي التي علي اساسها راح يتم المفاضلة بيننا في المدن والقرى

سلطان العسيري
06-28-2010, 08:02 PM
مساء العسل للجمييييييع

يا شباااااااااب أي واحد تجيه رساله من الإدارة يعلمنا أوكي

عسى الله يوفقكم..

كـ ح ـيلان
06-28-2010, 08:25 PM
^^^^^ok

المالكي
06-28-2010, 08:38 PM
شبااااااااااب اخذوني معكم

مسار لغة عربية

من الزلفي

وشااااااااتوني بالشرقية

اكتب بمنتدي الوزارة باسم كاكا القصيم

المالكي لبي قلبك شكلي عرفت انت مسااااااار صح من مكة

اسامه تكفى ضبطنا قلبي

حياك أخوي عين السبح
صدقت أنا مسار عربي من مكة الله يحفضها
وموجه للشرقية
ان شاء الله نتلاقى هناك على خير وبمدرسة واحدة

عين السيح
06-28-2010, 09:22 PM
المالكي كم رقم المفاضلة

واخرتها مع الوزارة
06-28-2010, 09:22 PM
في واحد من الشباب والله ماني متذكر اسمه يقول اخوه الكبير مدرس بالشرقية

فياليت يفيدنا بواقع خبرة اخوه عن الرغبات كيف نعبيها

بالترتيب لاننا مانعرف المنطقة تمام

اي واحد يفيدنا تكفون

عين السيح
06-29-2010, 12:31 AM
اتمنى يفيدناااااااااا

الجحدلي
07-01-2010, 08:15 AM
جاتكم رسايل شي .؟

الشرقيه تأخرت ..؟ انا لما تصلت عليهم قالو ليه تابع الموقع بعد العيد .!

وعندي سوال : الشرقيه لا تتبعها الاحساء صح .~!!

عين السيح
07-01-2010, 10:56 AM
الاحساء إدارة لوحدهــــــــا

الجحدلي
07-01-2010, 11:57 AM
يعطيك الف عافيه اخوي

اسد
07-02-2010, 01:09 AM
بغيت أسأل عن حفر الباطن هل تتبع للشرقية ؟

ماهي أسوأ المناطق التابعة للشرقية؟

كـ ح ـيلان
07-02-2010, 01:15 AM
بالمنطقة الشرقية 3 ادارات تعليمية/
1/ إدارة التربية والتعليم بالشرقية مقرها الدمام
2/ إدارة التربية والتعليم بالاحساء مقرها الإحساء
3/إدارة التربية والتعليم بحفر الباطن مقرها حفر الباطن

اللي جاء توجيهه (الشرقية) فيعني الإدارة رقم ( 1 ) بالدمام

درين
07-02-2010, 01:18 AM
يا شباب اللي عنده أخبار عن موعد المراجعة للإدارة التربية والتعليم بالخرج لا يبخل علينا تكفووووووووووون

اسد
07-02-2010, 01:44 AM
ما أحد جاوبني!!
ماهي أسوأ المناطق التابعة للشرقية؟


كحيلان :اسم على مسمى يعطيك العافية

درين: الخرج ادارة مستقلة عن الشرقية على حسب علمي

ماجد القرشي
07-02-2010, 02:30 AM
أنا من الطائف تخصص لغة عربية وتعينت بالشرقية

كـ ح ـيلان
07-02-2010, 01:04 PM
أخوي أسد ان شاء الله اي واحد من الشرقية يجاوبك على سؤالك
أخوي ماجد ياهلا بأهل الطايف....وفالك التوفيق


<<<<هذا المستخدم شغال مرحب

عين السيح
07-02-2010, 07:45 PM
شباب ياليت احد يقول لنا ماهي القطاعات التابعه للمنطقه الشرقية بالتحديد لادارة تعليم الدمام


هذا المستخدم يبي الخفجي ........

كلي جروووح
07-03-2010, 12:31 AM
هذا رد للعضو أبتدى المشوار بمنتدى الوزارة
القطاعات التعليميه القريبه
الدمام
الظهران
الجبيل
الخبر
القطيف
سيهات
بقيق
صفوى
المناطق البعيده
النعيريه " 200 كم عن الدمام "
الخفجي "400 كم عن الدمام "
قريه العليا "290 كم عن الدمام "
الرفيعه " 380 كم عن الدمام "

طبعا اسوا القطاعات التعليميه قطاع الرفيعه من حيث الاشراف وتشدد المدراء على غير سنع لكنها حلوه لوجود خط مختصر يربطها بالرياض عن طريق رماح
وتبعد 280 كم عن الرياض والرفيعه تعتبر قلب الصمان

اي استفسارات اخرى حاضرين للحبايب
للمعلوميه ( الاحساء + حفر الباطن ) مستقله ولا تتبع توجيه المنطقه الشرقيه

المالكي
07-03-2010, 02:39 AM
كلي جرووووووح
يعطيك العافية على هذا التوضيح
وياليت الإخوان اللي في الشرقية يستفسروا لنا عن الرغبات وتوقيع العقود
متى راح تكون
لأن أغلب ادارات التعليم بدأت تفتح باب الرغبات

اسد
07-03-2010, 03:15 AM
هذا رد للعضو أبتدى المشوار بمنتدى الوزارة
القطاعات التعليميه القريبه
الدمام
الظهران
الجبيل
الخبر
القطيف
سيهات
بقيق
صفوى
المناطق البعيده
النعيريه " 200 كم عن الدمام "
الخفجي "400 كم عن الدمام "
قريه العليا "290 كم عن الدمام "
الرفيعه " 380 كم عن الدمام "

طبعا اسوا القطاعات التعليميه قطاع الرفيعه من حيث الاشراف وتشدد المدراء على غير سنع لكنها حلوه لوجود خط مختصر يربطها بالرياض عن طريق رماح
وتبعد 280 كم عن الرياض والرفيعه تعتبر قلب الصمان

اي استفسارات اخرى حاضرين للحبايب
للمعلوميه ( الاحساء + حفر الباطن ) مستقله ولا تتبع توجيه المنطقه الشرقيه





بيض لله وجهك وما قصرت بس بغيت اسأل هل هناك مدراس لم يصلها الإسفلت(يعني في قرى وهجر تابعة للشرقية)

كلي جروووح
07-03-2010, 03:38 AM
أسد أخوي علمي علمك انا من مكة ووالله الشرقيه يآآدوب أدل دربها واللي فوق رد واحد جزاه الله بالخير من أهل الشرقية
لكن تطمن من ناحية سؤالك عن إذا فيه خط جلد او صحراوي مافيه بالشرقيه أغلب القرى على الخط السريع ومتطورة<<على كلام مدرسين وشباب من اهل الشرقية

عين السيح
07-03-2010, 08:44 PM
اخي كلي جرووح تخصصك مسار لغة عربية ؟؟؟؟؟؟؟؟؟؟؟

ح ح ح
07-03-2010, 10:28 PM
هلا ومرحبا بالجميع وش صار على إدخال الرغبات مر أسبوع ولا حس ولا خبر
حد يروح ويجيب لنا الخبر من عندهم شخصياً أما الإتصال ما بنلقى سنع بيصرفونا
ودمتم ...

كلي جروووح
07-03-2010, 11:53 PM
اخي كلي جرووح تخصصك مسار لغة عربية ؟؟؟؟؟؟؟؟؟؟؟

لا ابتدائي

عين السيح
07-04-2010, 01:11 PM
للرفع

كـ ح ـيلان
07-04-2010, 01:38 PM
الأحد : 22/7/1431 هـ
ولا جديد


يا أهل الشرقية ما فيه أحد منكم راح لهم؟؟؟

الجحدلي
07-04-2010, 02:04 PM
يا اسامه روح لهم وشوف الموضوع

ولك كل الشكر

خلف الشمري
07-05-2010, 02:41 AM
وين أهل الشرقيــه يروحون للأداره يشوفونهم كل الادارات نزلت الاعلانات الا الشرقيه !!!
انا اتوقع انهم ماهم مداومين ولا احد مفكر فينا هههههههههآآي

معلم لم يتعين
07-05-2010, 08:25 AM
أنا أشهـــد يا أسامة أنك ذيب عز الله أنك من عيال الحمايل تعاونك معنا يدل على طيب أصلك ومعدنك


بالنسبة للأسئلة أعتقد أنك جاوبت على كل الأستفسارات التي كانت تجول في خاطري من خلال ردودك على الأعضاء فبيض الله وجهك


أما بالنسبة للأخوان الموجهين للشرقية فيا أخوان الناس خلصت من الأستدعاء والمطابقة وتسجيل الرغبات وبدأت توقع العقود مثل أداراة التعليم بحفر الباطن وغيرها كثير


وادارة التعليم في الشرقية لا حس ولا خبر على العموم ربك يسهل للجميع




أشكرك مرة أخرى أخي أسامة أخوك من رفحاء شمال المملكة موجه الى الشرقية

عين السيح
07-05-2010, 12:51 PM
شبااااااااااب الشرقية مابعد قضوا من النقل الداخلي سألت قريب لي كان مدير الاشراف بادارة التعليم بالدمام

قال لي التأخير بسبب المشاااكل وقال الله يعينكم هناك كل يوم واحد متمشكل مع مديرة بالمدرسة

بالعربي التاخير بسبب المشاكل نقل وغيررررة

كـ ح ـيلان
07-05-2010, 01:27 PM
الله يعين

عين السيح
07-06-2010, 02:04 PM
الاثنين والخبر نفس الخبر

عين السيح
07-06-2010, 07:56 PM
سؤااااااااال يسدح نفسه كم تبعد الخفجي عن حفر الباطن

كـ ح ـيلان
07-06-2010, 08:16 PM
فيه ناس يقولوا الخفجي مو تابعة لإدارة الشرقية
لكن اتوقع الارجح أنها تتبع للشرقية..!!!
أما المسافة أخوي عين السيح للأسف ماعرف يالغلا

خلف الشمري
07-07-2010, 04:12 AM
سؤااااااااال يسدح نفسه كم تبعد الخفجي عن حفر الباطن


أن مـآخـآب ظـنـي أنهـآ تقريبـآ حـدود الــ 350 الــى الــ 400

الحصاه
07-07-2010, 06:51 AM
324 كيلو متر بالضبط

كـ ح ـيلان
07-07-2010, 02:53 PM
324 كيلو متر بالضبط


الله يعين

الأربعاء : 25 / 7 / 1430 هـ
ومابه جديد

عين السيح
07-07-2010, 04:00 PM
يؤؤؤؤؤؤؤؤؤؤؤؤة 324 كيلووووووو

الجحدلي
07-07-2010, 08:29 PM
للرفع

كـ ح ـيلان
07-07-2010, 08:36 PM
للرفع

-----------------------------

للرفع

الجحدلي
07-09-2010, 11:04 AM
يالله لا حس ولا خبر ؟؟؟؟ اخاف بكره تجي يقولون لنا يلا امسكو الباااب ليه مارجعتو !!!

معلم لم يتعين
07-09-2010, 01:40 PM
الجمعة ولا جد علم جديد

كـ ح ـيلان
07-09-2010, 01:45 PM
يالله لا حس ولا خبر ؟؟؟؟ اخاف بكره تجي يقولون لنا يلا امسكو الباااب ليه مارجعتو !!!


لالا ,,,لا تخاف ياخوي

لكن السيناريو المتوقع كالتالي :-

سيتم اعلان الاسماء ومناطق التوجيه والمدارس فجأة
دون الرجوع للمتعين لأخذ رغباته , ويعتمد التوزيع على
رقم المفاضلة الخاص بكل معلم...

ح ح ح
07-12-2010, 06:47 AM
إعلان للمعلمين الجدد 1431/1432هـ

يسر الإدارة العامة للتربية والتعليم للبنين بالمنطقة الشرقية أن تهنئ جميع المعلمين المعينين لهذا العام 1431/1432هـ ، وإشعارهم بأن بداية مباشراتهم ستكون بمشيئة الله يوم السبت الموافق 16/10/1431هـ ، علماً بأن برنامج الاستقبال وتوقيع العقود وتوزيع خطابات التوجيه للمدارس ، سوف يكون قبل تاريخ المباشرة المذكور أعلاه ، في الفترة من 9/10/1431 هـ وحتى 13/10/1431هـ ، وعلى جميع المعينين متابعة موقع إدارة تعليم الشرقية لمعرفة موعد البرنامج لاحقاً، وستقوم الإدارة بالتواصل معهم من خلال الرسائل النصية.

مع تمنياتنا للجميع بالتوفيق والسداد.

خريج مقهور
07-14-2010, 12:57 PM
حفر الباطن وشدخله بالشرقيه .. له إدارة خـآصه

انا من الشرقيه او من سكـآنهـآ بالأصح ومن الدمام ومتعين بالشرقيه

خلف الشمري
07-16-2010, 03:28 AM
حفر الباطن وشدخله بالشرقيه .. له إدارة خـآصه

انا من الشرقيه او من سكـآنهـآ بالأصح ومن الدمام ومتعين بالشرقيه


طيب ومن قال أن حفرالباطن تـآبعه للشرقيه تعليميآ ؟؟؟

كـ ح ـيلان
07-16-2010, 03:37 AM
وش الجديد؟؟؟

bo3zoz
07-16-2010, 06:50 AM
الله يعيننا على هالادارة للرفع

فائز نت
07-17-2010, 03:47 PM
وشو القديم

كـ ح ـيلان
07-17-2010, 03:48 PM
لا قديم والا جديد

أبورنيان7
07-17-2010, 04:55 PM
السلاام عليكم ورحمة الله وبركااته


أهنئكم جميعا بالتعين بعد طول إنتظاار
والحمد لله على كل شيء
يعطيك الله ألف عــــافية أخوي على مجهـــودك مع الزمـــــلاء
أنا من أهل الريـــاض وتعينت بالأحـــــســــــاء
بس تــفــآجأت بأن أسمي طلع ضمن حركة نقل المعلمين الداخليــة لإدارة تعلــيم الأحســـاء
وللأســف تم توجيهي إلى ثانوية يبرين + متوسطة الحفــــاير
أخوي الله لايهـــينك إذا تقدر تعطيني معلومات عن ( يبرين + الحفاير )
كم تبعد كيلو عن الرياض ؟ وعن الأحـــســــاء ؟
ايش طبيعة سكانها ؟
هل يتوفر سكن للعوائل؟
والطريق زين ؟
وأكـــــون لك من الشــــــاكرين

كـ ح ـيلان
07-17-2010, 07:07 PM
حبيبي ابو ريناد
تعليم الاحساء منفصل تماماً بإدارة مستقلة عن تعليم الشرقية
أتمنى أن يأتي من يجيب على أسئلتك
دعاوتي لك بالتوفيق

خلف الشمري
07-30-2010, 03:33 AM
يـآ اخوان يقولون اخر يوم 29 من شعبان للمراجعه والشرقيه لحد الان مالهم لاحس ولا خبر على موعدهم الاول الي هو 9/10 ولا سمعنا بشي جديد عنهم ....
أحس ان كل قطاع بالسعوديه دوله لوحده مستقله عن باقي قطاعات الدوله كل أداره لها نظام مختلف عن الأخرى !!!

كـ ح ـيلان
07-30-2010, 05:39 PM
مابه جديد إلا أنت

ع ـبدالله
08-09-2010, 06:05 AM
وين الجديد